Monday, February 16, 2015

අපි නොවූ අපි

සිනාවේවි අඩන්නටත්, අඩ අඩ සිනසෙන්නටත්
පුරුදු වෙච්ච ලෝකෙක අපි ගෙවාගෙන යන ජීවිතයක අරුමය
කියල නිම කරන්න බෑ නේද කිසිමදාක?
වෙන්වෙන්න බැරි අයම වෙන්වෙලා යන ජිවිතයක්ලු මේක..
තනි ජීවිතයකට දරාගන්න බැරි තරමේ
වෙන්වීම් ගොඩක් උරුම කරගත්තු ජිවිතලු
අපි හැමෝටම තියෙන්නේ..
මුළු හිතෙන්ම හිනාවුනේ කොච්චර අඩුවෙන්ද අපි..
හිතට දැනෙන තුනී දුක් නම් කොච්චරක්ද..
හිත මතම මැවුණු හීන කොච්චරක් තියේද..
ඒ හිතම බිඳුණු තැන් නම් කොච්චර ඇතිද..
දවසින් දවස ගෙවාගෙන යන මේ ජිවිතයම
ජිවිතයක් නෙමේ යයි හිතුනු තැන නම් කොච්චරක්ද..
ඒ ජීවිතේම කිසිම දවසක අවසාන නොවෙනවා නම් කියල
හිතුනු වාර අපමණයි නේද?





Sunday, January 18, 2015

සඳයි, තරුවයි, අහසයි, මමයි...

සඳක් ගැවසුනි
තෙරක් නොදකින
තරුවක් ද විය
දිලෙන නිවෙන
තැනක් නොතැනක්
නැතුව සඳ
වැලපුණේ ඈ
තරුව නැති තැන
සඳට තරුවට
අහස වුනි මම
එක්ව ඉන්නට
වරම් දුනි මම
තරුව සතුටිනි
අද, සඳද සතුටිනි
අහස වී මං
පසෙක වී ඉමි

Monday, September 15, 2014

මටත් ආදරේ බව

අනන්තයකට පෙම් කරන්නේ
කිසිත් නොපතා ඔබෙන් මං
ඇසක් නොගැටී කල්පයක් කල්
සිටින්නේ ඔබ නිසයි මං

ලොවක් අතහැර දිවි ගෙවන්නේ
ඔබ මගේ ලොව නිසා නම්
වරක් හෝ පවසන්න මට අද
මුළු සිතින් ආදරෙයි නම්

සිහින් සරයෙන් සිතට ගෙනෙනා
හුදෙකලාවෙ සිතුවිලි වුනත්
නොදැනෙනා ලෙස මගේ සිතින් මා
පවන වෙත මුසු කරන්නම්

නැතත් අහිතක් කිසි කලකදී
නුඹගැනම මගේ සිත අගින්
මටත් ආදරේ බව අහන්නට
ඔය මුවින් ආසයි මමත්...

Thursday, August 28, 2014

The Art of My Life

How would I show you my love,
love that is in my heart..
How do I tell you that,
being crazy about you,
has made me mad..
Why doesn't my story
eradicate quite right,
even if I try so much..
The art of my life,
painted by your image,
is the reason itself,
holds me onto my dreams...

Monday, August 18, 2014

I will

I will stand here
just to see you dance in the rain,
I will smile a mile
with you to the end of another lifetime,
I will make a wish
to have the perfect days to ourselves,
I will fall in love
with you over and over again,
I will wait for you
as long as it takes,
I will love you
every moment across the time...

Wednesday, July 30, 2014

If I Ever Let You Go

Breeze is all over my face
freezing me to the bones,
thinking of letting you go,
makes me feel incomplete,
if only a thought could make me
feel like I'm out of breathe
what would I do
without u in my life,
would you ever realize?
this pain I'm going through,
for me there's no place
to fall in if I ever let go,
if I ever let go...

Saturday, April 19, 2014

YOU

Smile that I dream of,
life with your presence in mine,
wherever I direct,
you come along the way..
You are my addiction,
You are my obsession,
memories you left alone,
those I do cherish..
Living never was hard,
like my day today,
every day and every night,
down the rain and over moon,
life has you in it,
without letting get away..

Wednesday, January 15, 2014

මගේ කඳුලු

කඳුලු අරන් හිත වැලපෙන
මටත් නොකියා මට රිදවන
මගේ.. එකම ආදරයට
නුඹ පුන්සඳ දුන් කළුවර..

මටත් හැකිය නාඬා ඉන්න
නුඹ වාගෙම හිනා වෙන්න..
නුඹෙ හිත කළු ගලක් මෙන්ද
මගෙ කඳුලින් දිය කරන්න

දවසක් එයි මට නොකියම
නුඹට වුනත් තේරෙන්නට
නුඹෙත් කඳුලු වටිනවාද
මගේ කඳුලු තරම් නුඹට

( ~ තරිඳු පතිරණ ~ )

Saturday, October 5, 2013

ආදරෙ මං කරන තරම්

ආදර මල් පොකුරු පිටින්
මහ සාගරයක් තරමට
නෙලන් ඉඳිමි මග බලාන
ඔබ කොහේද සොයමින් මම

මතක සිතේ ඇති තරමට
වේදනා ගෙනෙයි අද මට
තටු ඇවිදින් දුක් ගින්නට
ඇවිලෙයි මුළු හද මඩලම

ඔබ නැති විට ලඟින් මගේ
තනිකම විතරයි උරුමේ
ජයසිරි මහ බෝ සමිඳුන්
නැති මහමෙවුනාව වගේ

ඉර නැඟවිත් එළිය බෙදා
පුබුදයි හැමකෙනෙකුගෙ සිත්
මගෙ හිරු නැති මේ පෙම් ලොව
සදා අඳුරෙ ගිලෙනව අද

පවස නිවන දිය උල්පත්
වෙහෙස මකන මහ දිය වැල්
කොතෙක් ඇතත් මේ මිහිපිට
බැරිවෙයි මගෙ ගිනි නිවන්න

හිතටත් මගෙ නෙත් දෙකටත්
පිං මදි ඔබ ලැබ ගන්නත්
හිත යට කොතරම් ඇඬුවත්
දුක අඩුවක් නෑ අදටත්

ආදරෙ මං කරපු තරම්
සිහිනෙන් ඔබ පෙනෙන තරම්
මා ළඟ නැති දිනයක නම්
විඳවනවා මම එතරම්

ආදරයෙන් ජීවිතේම
පුරවාගෙන වෙනුවෙන් ඔබ
කඳුලැලි මං සඟවගෙන
සැනසෙමි ඔබ දෙස බලාන

Thursday, October 3, 2013

මම යමි

සිහිවුනු දුකට නෙතු කඳුලක් නෑම තමා
පෙර දින මතක පෑරුනු සිත එහෙම තියා
කඳුලැලි මතක මත ඇඳි ඒ සටහන් මකලා
පියඹා ඇදෙමි නිති මගෙ පිළිසරන සොයා

නුඹ රැඳි දුකට මට කඳුලැලි ඉනු දාට
නුඹ හට දුකක් නොවුනා ඇති හැමදාට
නෙත් වල රැඳුනු අනුකම්පා තුරුලුකොට
හැඬුවලු මමත් සත් සමුදුරු ගොඩ ගලන්නට

ඈතින් ඔබ යන්නේ මෑතට අත වනලා
දෝතින්ගෙන ජීවිතයම අත හැරලා
දින දින ගෙවුනු ඉපැරණි පෙම පසු කරලා
මම යමි මෙතන සදහට අද අත ඇරලා

( ~ තරිඳු පතිරණ ~ )

Sunday, September 29, 2013

කඳුලැලි බෝමයි...

කඳුලැලි බෝම නෙතු අග මට දැවටෙන්ට
සිතුවිලි බෝම ඔබ ලඟ මට වැලපෙන්ට
ගිලිහුනු මතක ඔබ මට සිහිකරන විට
ඇයි මට කඳුලු දුන්නෙත් හිත පාරන්ට

හිමිවුනු පෙමට කවුරුද හැඬුවේ දුකට
ලෝකය ගැරහුවත් පෙමකට නෑ මුලා කර
සිතුවිලි වුවත් යළි එක් නොවෙනා කලට
කුමට යළිත් අපි හමුවේ නම් පුරුදුකොට

සිතකින් සිතක සිතුවිලි සුව නොදේ නම්
කුමකින් කුමක් මට සිදුවී ගියාදෙන්
ලෝකය වුනත් නිති නුඹ ලඟ රැඳේනම්
කුමට ඉතින් තනි මා ගැන කල්පනාවන්


(~ තරිඳු පතිරණ ~)

ඔබට ලියමි මම ආදරෙන්...

සෙමින් සෙමින්
මගෙ නෙත් අඟින්,
සිතට නොදැනිම
සියොලඟින්,
ඔබගෙ සුවඳ ගෙන
ආදරෙන්,
ලඟින් යනවිට
සනසමින්,
පුරුදු කඳුලට
දුක් දෙමින්,
දෙතොල් සරසා
සිනහවෙන්,
මැවෙන් හැටි මට
සිහිනයන්,
පුදුම වෙමි
ඔබෙ නාමයෙන්,
දිරිය දී මට
ස්නේහයෙන්,
පිරිමදී සිත
සන්තොසින්,
ලොව මගේ හෙට
මේ ලෙසින්,
ලඟ සිටිනු මැන
සෙවණැල්ල මෙන්...

Wednesday, September 11, 2013

ගෙවුනු මතකයන්

විටින් විට
සිතුවිලිවල
හිමිකම අරගන්න
තැත් කරන අතරම..
අපට පමණක්ම
වැට බැඳුන
ලෝකයක් තුළ..
හිරවුනේ
අපටත් නොදැනීම අප..
ගෙවුනු මතකයන්
සිතේ දරාගෙන
දැවෙන සීතලක
පෙම තුරුලු කරගෙන,
මතක පිටු අතරෙ සැඟවුන
තනිවෙච්ච හිතට
අඬන්න අවසර
පතමි කුමරිය...

Saturday, August 10, 2013

බිඳුනු සිත

පෙමින් බැඳි
යදමෙන් සිඳුනු
සිත මගේ
බිඳෙන බව
රිදෙන බව
තැවෙන බව
ගිනිගෙන
දැවෙන බව
සිත මතම
දැන දැන නුඹම
අතැර පොලොවට
දමා යන්නේ
බිඳෙන්නට
ඉඩතබා නේද?

Wednesday, August 7, 2013

තවම අවසර නැත මට

අඳුරු වූ මේ නිසසල රැයේ
නිසල බව පමණක් දැනේ..
සසල යුගනෙත් මානයේ
නෙත් දහක් මැද ජීවිතේ...

සෙවණ යදිනට තුරුවැලක්
සිසිල ලබනට නිම්තෙරක්..
නැති වුනත් මට අත්වැලක්
පෙම් කරයි මගෙ සිත තවත්...

නෙතට අඳුනක් වෙන්නට
සුවඳ ඔබගෙන් ලැබුමට..
දිවිය මතු ඔබෙ රැකුමට
තවම අවසර නැත මට...

නෙතු අතර ඔබෙ සැඟවිලා
සිත ලඟම මගෙ පෙම තියා
වත කමල සිප සනසලා
සැනසුනෙමි සිහිනෙට වෙලා

Tuesday, August 6, 2013

සඳක් ලෙස

සඳක් ලෙස මගෙ හද මඬල තුළ
එකලු කල පෙර දිනෙක ලඟම හිඳ
සතුව ඇත්තේ මගෙ මනස යට
මතකයන් පමණක්ය විඳිනට

නුඹේ සිනහව මගෙ සතුට විය
නුඹේ කඳුලැලි විසිකලෙමි සයුරට
නුඹට පහන වූ මගෙ දෙනෙත අද
කඳුලු සයුරක උල්පතකි නිතරම

ගෙවෙන දිනයක් පාසාම නුඹ ගැන
සිතට නැගෙන සිතුවිලිත් අතරම
අතරමං වූ මගෙ පෙමද අරගෙන
මනස වැලපෙයි හුදෙකලාවක

Wednesday, July 31, 2013

අද මගෙ එකම පැතුම

ආදරය යන වදනට අරුතක්
සොයාගෙන මම දුරක් ගෙවමින්
පිය නැගූ ඒ මතකයන් අතර
සැඟව යයි මගේ සිතුම් පොදි වැල්

ඔබේ හඬ දෙසවනේ දැවටී
පුබුදවූ සිත නැවුම් සිතුවිලි
දෙවසරකට පසුවද තවම එතනම
හිරවෙලා ඉකි ගසයි සීරුවට

නෙතඟ මායිමට වෙලා ආදරෙන්
කිවු රහස් හෙමි හෙමින් රැවු දෙමින්
සිහින ලෝකෙන් මිදෙන විටකට
මවයි කඳුලැලි මගෙ නෙතින්

මා තරම් මේ විසල් පොලොව මත
නුඹට පෙම් බැඳි සිතක් තවත් නැත
නමුත් අද මගෙ එකම පැතුම නම්
මට වඩා මගෙ සිතට වඩා
පෙම් කරන සිතක් හමුවෙවා නුඹට හෙට

Saturday, July 20, 2013

මගේ හෙට දින

දකින දසුනට
වසඟ වූ සිත
මතම මියැදුන
පෙමක් ඇත මට..


සුවහසක් පෙම්
පිරුනු සිතුවිලි
එකක් මත එක
රැඳෙයි නිතරම

අන්ධ දෙනුවන්
වැසුනු දෙසවන්
මගේ හෙට දින
උරුමයකි සිත

ගෙවෙන දිනයක
නෙතු මතම හිඳ
මගේ සියොලඟ
දැවෙනු ඇත හෙට...

Tuesday, July 16, 2013

යන්නෙමි...

දෙසවන් වුනත් ලොව ගැන දැන උන්නා..
දෙනුවන් පුරා එහි අසිරිය නිති මැවුනා
කම්මුල් මතට එකිනෙක කඳුලැලි වැටුනා
හදවත සොරාගෙන ඇය යළි දුර ඇදුනා

දකිමින් දසුන් සනසවමින් සිත මත්තේ
අසමින් සතන් පිළිබඳ මේ දතයුත්තේ 
පවකින් වුනත් විඳවන මගෙ සිත මත්තේ
සතුටින් කියමි ඇයටයි මං පෙම් බැන්ඳේ

දිවියෙන් අඩක් ඔබ ගැන සිතමින් ඉඳලා
වෙනයම් කෙනෙක් ගැන සිතනට නොහැක මෙදා
රුවලින් මිදී පාවෙන ඔරුකඳ විලසා
යන්නෙමි ඔබෙන් සමුගෙන මං සැඟවීලා