ආකාස අඳුරු වලා පටල දෙස,
හෙළා මා දිළිඳු නෙත් යුගළ,
කඳුළු උල්පතක් හදවතෙහි මතු කර,
දිලෙන තරු අතර ඇයව සොයන්නෙමි මම..
නදී තෙර හිඳ සිහිල් සුළං වැද,
කෙහෙරැල් ඇඟිලි තුඩින් එක්තැන්කොට,
හද මායිම් කර උණුසුමේ වැට බැඳ,
සිනා සැලුවෙමි පෙම් සුවේ විඳ..
පර්වත තුරු ලතා විමසයි ඔබ ගැන,
සිනාසෙන්නී කොහේද යන වග..
හාදු වැස්සේ තෙමී සීතලට,
අනන්ත සිහිනයේ සෙවණක් සොයමින්,
සඳ කිරණේ පහස ලෑබූ මාවත් මෙන්ම,
අඳුරේ ගිලී වැසුනු මංමාවත් තුළ,
බැඳී ආදර යදමින් සිපගෙන,
දැවටුනා මතකයි ඇය මගේ දෑත් මත...
No comments:
Post a Comment